Томаш Шміт
6 мая, Мінск /Кар. БЕЛТА/. Прэзідэнт Беларусі Аляксандр Лукашэнка шмат зрабіў, каб у нашым рэгіёне была спакойная і стабільная сітуацыя. Аб гэтым заявіў польскі суддзя Томаш Шміт у час прэс-канферэнцыі ў прэс-цэнтры БЕЛТА.
"Гэта таксама своеасаблівы сігнал уладам у Варшаве, што яны павінны аднавіць дыялог з суседзямі", - падкрэсліў паляк, гаворачы аб тым, чаму па дапамогу ён звярнуўся менавіта ў Беларусь.
"Гэта чалавек, які шмат зрабіў, каб у нашым рэгіёне была спакойная і стабільная сітуацыя, у тым ліку і палітычная, - сказаў Томаш Шміт. - Беларусь - своеасаблівы вузел з Усходам, Расіяй і з'яўляецца асноўным элементам стабілізацыі ў рэгіёне".
Томаш Шміт - суддзя 2-га аддзялення ваяводскага адміністрацыйнага суда Варшавы. Раней займаў розныя пасады ў судовай сістэме і органах юстыцыі Польшчы. З'яўляўся кіраўніком юрыдычнага аддзела ў Нацыянальным савеце суддзяў Польшчы.
З-за нязгоды з палітыкай і дзеяннямі ўлад вымушана пакінуў Польшчу і цяпер знаходзіцца ў Беларусі. Яму пагражалі і праследавалі за самастойную палітычную пазіцыю.
Томаш Шміт заяўляе пра свой пратэст уладам Польшчы, якія пад уплывам ЗША і Вялікабрытаніі вядуць краіну да вайны.-0-