Фота ДКНТ
26 сакавіка, Сочы /Кар. БЕЛТА/. Беларусь прапануе "Расатаму" развіваць супрацоўніцтва ў галіне электратранспарту і экалогіі. Аб гэтым заявіў журналістам старшыня Дзяржаўнага камітэта па навуцы і тэхналогіях Сяргей Шлычкоў на палях міжнароднага форуму "Атамэкспа" ў Сочы, перадае карэспандэнт БЕЛТА.
"Узаемадзеянне ДКНТ з "Расатамам" пачалося з даручэння прэм'ер-міністра Беларусі Рамана Галоўчанкі вызначыць напрамкі ўзаемадзеяння нашай краіны з дзяржкарпарацыяй па атамных неэнергетычных і неатамных праектах. Год таму, у сакавіку 2023 года, я быў на чале дэлегацыі нашай краіны, якая наведала шэраг дывізіёнаў "Расатама". Па выніках візіту мы вызначылі 10-12 галін супрацоўніцтва, па якіх шляхам дапаўнення кампетэнцый можна сфарміраваць праекты і праграмы. Для гэтага ўзаемадзеяння мы рэкамендавалі інструментарый, які працуе ў рамках Саюзнай дзяржавы, - навукова-тэхнічныя праграмы і інавацыйныя праекты СД. Сярод асноўных выбраных напрамкаў - абыходжанне з радыеактыўнымі адходамі, разумныя гарады, стварэнне вытворчасці вымяральнай апаратуры і таргетныя радыёфармпрэпараты", - сказаў Сяргей Шлычкоў.
Мемарандум паміж урадамі Беларусі і Расіі аб паглыбленні стратэгічнага супрацоўніцтва ў галіне выкарыстання атамнай энергіі ў мірных мэтах і сумежных высокіх тэхналогій падпісаны 29 студзеня ў Санкт-Пецярбургу. У развіццё мемарандума распрацавана комплексная праграма расійска-беларускага супрацоўніцтва ў галіне атамных неэнергетычных і неатамных праектаў, якую падпісалі 25 сакавіка на палях міжнароднага форуму "Атамэкспа" ў Сочы. "Гэта такі арганізацыйна-прававы інструмент, які можна дапаўняць новымі напрамкамі і карэкціраваць у залежнасці ад неабходнасці", - растлумачыў старшыня ДКНТ.
Але на гэтым прапрацоўка магчымых напрамкаў сумеснай работы з "Расатамам" не спыняецца. На "Атамэкспа" беларускі і расійскі бакі прадаўжаюць абмеркаванне ўзаемадзеяння. "Мы прывезлі з сабой прапановы па яшчэ некаторых напрамках. Адзін з іх - электратранспарт. У Беларусі шмат увагі ўдзяляецца гэтаму напрамку, зацверджана комплексная праграма развіцця на 2021-2025 гады. Другі - экалогія. У "Расатаме" ёсць дывізіён, які займаецца пытаннямі экалогіі. У цэнтры ўвагі працэдуры збору, сартавання, другаснага выкарыстання, перапрацоўкі адходаў. Нам падабаецца, што ў іх распрацавана эфектыўная бізнес-мадэль, дзякуючы якой не спатрэбіцца датацый з іншых крыніц. Гэты напрамак нам здаецца вельмі перспектыўным. А з беларускага боку каля 10 прадстаўнікоў малога і сярэдняга бізнесу займаюцца гэтым напрамкам, і іх тэхналагічныя кампетэнцыі будуць напэўна цікавыя дзяржкарпарацыі. Усё ж такі ў "Расатама" асноўная сфера кампетэнцый - абыходжанне з радыеактыўнымі адходамі, а па іншых адходах з тэхналагічнага пункту гледжання ёсць што падгледзець у нас. Мы гатовыя да ўзаемадзеяння", - адзначыў Сяргей Шлычкоў.
Міжнародны форум "Атамэкспа" - буйнейшая выставачная і дзелавая пляцоўка, на якой абмяркоўваецца сучасны стан атамнай галіны, фарміруюцца трэнды яе далейшага развіцця. У форуме ўдзельнічаюць кіраўнікі ключавых кампаній сусветнай атамнай галіны, дзяржаўных структур, міжнародных і грамадскіх арганізацый, вядучыя эксперты. У форуме прымае ўдзел і беларуская дэлегацыя.-0-
"Узаемадзеянне ДКНТ з "Расатамам" пачалося з даручэння прэм'ер-міністра Беларусі Рамана Галоўчанкі вызначыць напрамкі ўзаемадзеяння нашай краіны з дзяржкарпарацыяй па атамных неэнергетычных і неатамных праектах. Год таму, у сакавіку 2023 года, я быў на чале дэлегацыі нашай краіны, якая наведала шэраг дывізіёнаў "Расатама". Па выніках візіту мы вызначылі 10-12 галін супрацоўніцтва, па якіх шляхам дапаўнення кампетэнцый можна сфарміраваць праекты і праграмы. Для гэтага ўзаемадзеяння мы рэкамендавалі інструментарый, які працуе ў рамках Саюзнай дзяржавы, - навукова-тэхнічныя праграмы і інавацыйныя праекты СД. Сярод асноўных выбраных напрамкаў - абыходжанне з радыеактыўнымі адходамі, разумныя гарады, стварэнне вытворчасці вымяральнай апаратуры і таргетныя радыёфармпрэпараты", - сказаў Сяргей Шлычкоў.
Мемарандум паміж урадамі Беларусі і Расіі аб паглыбленні стратэгічнага супрацоўніцтва ў галіне выкарыстання атамнай энергіі ў мірных мэтах і сумежных высокіх тэхналогій падпісаны 29 студзеня ў Санкт-Пецярбургу. У развіццё мемарандума распрацавана комплексная праграма расійска-беларускага супрацоўніцтва ў галіне атамных неэнергетычных і неатамных праектаў, якую падпісалі 25 сакавіка на палях міжнароднага форуму "Атамэкспа" ў Сочы. "Гэта такі арганізацыйна-прававы інструмент, які можна дапаўняць новымі напрамкамі і карэкціраваць у залежнасці ад неабходнасці", - растлумачыў старшыня ДКНТ.
Але на гэтым прапрацоўка магчымых напрамкаў сумеснай работы з "Расатамам" не спыняецца. На "Атамэкспа" беларускі і расійскі бакі прадаўжаюць абмеркаванне ўзаемадзеяння. "Мы прывезлі з сабой прапановы па яшчэ некаторых напрамках. Адзін з іх - электратранспарт. У Беларусі шмат увагі ўдзяляецца гэтаму напрамку, зацверджана комплексная праграма развіцця на 2021-2025 гады. Другі - экалогія. У "Расатаме" ёсць дывізіён, які займаецца пытаннямі экалогіі. У цэнтры ўвагі працэдуры збору, сартавання, другаснага выкарыстання, перапрацоўкі адходаў. Нам падабаецца, што ў іх распрацавана эфектыўная бізнес-мадэль, дзякуючы якой не спатрэбіцца датацый з іншых крыніц. Гэты напрамак нам здаецца вельмі перспектыўным. А з беларускага боку каля 10 прадстаўнікоў малога і сярэдняга бізнесу займаюцца гэтым напрамкам, і іх тэхналагічныя кампетэнцыі будуць напэўна цікавыя дзяржкарпарацыі. Усё ж такі ў "Расатама" асноўная сфера кампетэнцый - абыходжанне з радыеактыўнымі адходамі, а па іншых адходах з тэхналагічнага пункту гледжання ёсць што падгледзець у нас. Мы гатовыя да ўзаемадзеяння", - адзначыў Сяргей Шлычкоў.
Міжнародны форум "Атамэкспа" - буйнейшая выставачная і дзелавая пляцоўка, на якой абмяркоўваецца сучасны стан атамнай галіны, фарміруюцца трэнды яе далейшага развіцця. У форуме ўдзельнічаюць кіраўнікі ключавых кампаній сусветнай атамнай галіны, дзяржаўных структур, міжнародных і грамадскіх арганізацый, вядучыя эксперты. У форуме прымае ўдзел і беларуская дэлегацыя.-0-
