5 мая, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў Патрыярха Маскоўскага і ўсяе Русі Кірыла са Светлым Вялікаднем. Аб гэтым БЕЛТА паведамілі ў прэс-службе беларускага лідара.
"Хрыстова Уваскрэсенне - найвялікшае сведчанне Божай любові, сімвал вечнага жыцця, яго перамогі над смерцю. Гэта свята аб'ядноўвае вернікаў, напаўняе душы гаючай энергіяй, міласэрнасцю і спагадай. Яно нясе дабро і надзею, дае сілы процістаяць штодзённым праблемам, смутку і хваробам", - гаворыцца ў віншаванні.
Кіраўнік дзяржавы выказаў удзячнасць Патрыярху Кірылу за яго нястомную працу, нацэленую на ўмацаванне братэрскага адзінства народаў Беларусі і Расіі. "Сёння Царква накіроўвае сваё служэнне на ўсебаковую падтрымку людзей, аказвае дзейсную дапамогу тым, хто мае патрэбу", - падкрэсліў Прэзідэнт.
Аляксандр Лукашэнка пажадаў Патрыярху Кірылу міру, здароўя і даўгалецця.
Прэзідэнт таксама накіраваў віншаванне з Вялікаднем Мітрапаліту Мінскаму і Заслаўскаму Веніяміну, Патрыяршаму Экзарху ўсяе Беларусі.
"Радасць велікодных дзён натхняе нас на стварэнне міру і дабра, напаўняе сэрцы любоўю. Лёс і гісторыя нашай краіны непарыўна звязаны з праваслаўем, якое стала неад'емнай часткай нацыянальнай ідэнтычнасці і культурнай спадчыны Беларусі, - адзначыў кіраўнік дзяржавы. - Вашы мудрасць і настаўніцтва надаюць сілы маючым патрэбу ў суцяшэнні, лечаць душы людзей. Прапаведваючы Божае слова, Вы ўносіце неацэнны ўклад у развіццё нашага грамадства, дбаеце за захаванне традыцыйных каштоўнасцей і маральных ідэалаў.
Аляксандр Лукашэнка пажадаў Патрыяршаму Экзарху моцнага здароўя, шчасця і поспеху ва ўсіх пачынаннях. "Няхай Гасподзь даруе невычэрпную крыніцу энергіі і благадатную дапамогу ў Вашым архіпастырскім служэнні", - дадаў беларускі лідар.-0-
"Хрыстова Уваскрэсенне - найвялікшае сведчанне Божай любові, сімвал вечнага жыцця, яго перамогі над смерцю. Гэта свята аб'ядноўвае вернікаў, напаўняе душы гаючай энергіяй, міласэрнасцю і спагадай. Яно нясе дабро і надзею, дае сілы процістаяць штодзённым праблемам, смутку і хваробам", - гаворыцца ў віншаванні.
Кіраўнік дзяржавы выказаў удзячнасць Патрыярху Кірылу за яго нястомную працу, нацэленую на ўмацаванне братэрскага адзінства народаў Беларусі і Расіі. "Сёння Царква накіроўвае сваё служэнне на ўсебаковую падтрымку людзей, аказвае дзейсную дапамогу тым, хто мае патрэбу", - падкрэсліў Прэзідэнт.
Аляксандр Лукашэнка пажадаў Патрыярху Кірылу міру, здароўя і даўгалецця.
Прэзідэнт таксама накіраваў віншаванне з Вялікаднем Мітрапаліту Мінскаму і Заслаўскаму Веніяміну, Патрыяршаму Экзарху ўсяе Беларусі.
"Радасць велікодных дзён натхняе нас на стварэнне міру і дабра, напаўняе сэрцы любоўю. Лёс і гісторыя нашай краіны непарыўна звязаны з праваслаўем, якое стала неад'емнай часткай нацыянальнай ідэнтычнасці і культурнай спадчыны Беларусі, - адзначыў кіраўнік дзяржавы. - Вашы мудрасць і настаўніцтва надаюць сілы маючым патрэбу ў суцяшэнні, лечаць душы людзей. Прапаведваючы Божае слова, Вы ўносіце неацэнны ўклад у развіццё нашага грамадства, дбаеце за захаванне традыцыйных каштоўнасцей і маральных ідэалаў.
Аляксандр Лукашэнка пажадаў Патрыяршаму Экзарху моцнага здароўя, шчасця і поспеху ва ўсіх пачынаннях. "Няхай Гасподзь даруе невычэрпную крыніцу энергіі і благадатную дапамогу ў Вашым архіпастырскім служэнні", - дадаў беларускі лідар.-0-